Бүгүн, 18-сентябрда Ош шаарынын мэри Бакытбек Жетигенов Ж.Раимбеков (Зайнабетдинов) көчөсүн көрктөндүрүү, асфальттоо жана жарыктандыруу долбоорунун алкагында жеринде Ош шаарынын мэриясынын техникалык кеңешмесинин көчмө жыйынын өткөрдү.
Жыйында аталган көчөдөгү электр тармактарынын кубатын күчөтүү, соода-сатык жана коомдук тамактануучу жайларды талапка шайкеш келтирүү, жашыл аймактарда тамчылатып сугаруу тутумун орнотуу, жолду жарыктандыруу, тротуарлардагы таман таштарды жаңылоо жана Алай көчөсүндөгү көп кабаттуу үйлөрдүн алдына кирүүчү жолдорго асфальт төшөп, 20-сентябрдан тарта жолду толук пайдаланууга берүү милдеттендирилди.
Шаар башчысы жооптуу кызматтардын жетекчилерине долбоорду ишке ашырууда жумуштарды өз ара макулдашуу жана тыгыз байланышта, күчөтүлгөн тартипте жүргүзүп, белгиленген мөөнөтө бүткөрүү тапшырмасын койду.
