ОШ – УЛУУ ЖИБЕК ЖОЛУНУН ПРОВАЙДЕРИ!
2021-жылы туризм тармагын өнүктүрүүдө олуттуу кадам жасалды.
2021-жылдын сентябрь айында өткөн Биринчи Регионалдык Туристтик Форумда эл аралык эксперттер Ош шаарын Улуу Жибек Жолунун негизги туристтик Провайдери катары таанышкан. Ош шаары байыркы трансконтиненталдык маршруттун глобалдык трассасы боюнча өткөн баардык чет элдик туристтерге заманбап туристтик кызматтарды көрсөтүүчү негизги калаа катары көрсөтүштү.
Андан соң шаар жетекчилиги Ош шаары үчүн өзүнүн туристтик брендин түзүү боюнча сынак өткөрүп, ага 70тен ашык эмгек келип түшкөн. Атайын түзүлгөн жумушчу топ тарабынан Орусиялык Михаил Чулиндин логотиби жактырылган. Брендде Улуу Жибек Жолун чагылдырган кербен, Оштун символу болгон Сулайман-Тоо, жарым ай жана жылдыз камтылган. Бул бренд менен Ош шаары дүйнөлүк туризм тармагына кирип, Борбордук Азиядагы биринчи туристтик бренди бар шаар болуп аталды.
Тарыхый көз карашка байланыштыруу менен Ош шаары эл аралык континентте маанилүү болгон туристтик багытын өнүктүрүп, Улуу жибек жолу менен байланышкан өзүнүн брендин түзүү аркылуу туризмди жандандырууга ниеттенүүдө.
Ош шаарынын өздүк глобалдык бренди жана туристтик продуктусу калаага жүз миңдеген туристтерди тартат жана туризмди өнүктүрүү менен чакан жана орто бизнестин, жалпысынан Кыргыз Республикасынын бүтүндөй экономикасынын өнүгүшүнө кубаттуу шарттарды түзөт.
Шаар бийлиги башында турган менеджмент, Ош шаарына келген чет өлкөлүк туристтер үчүн жакшы туристтик чөйрөнү түзүүгө жана калаа туристтик инфраструктурасын жакшыртуу үчүн баардык аракеттерди көрүүдө.
Ош калаасы чет элден келген конокторду аэропортон, бажы өтмөктөрдөн тосуп алуудан баштап, мейманканаларга жайгаштырууда, коомдук тамактануучу жайларга алып барууда шарттарды жогорулатууга бет алды жана жаңы туристтик технологияларды киргизүүгө даяр жана ачык.
