Шаардын символдору
Ош шаарынын герби
Ош шаарынын герби менен желегинин долбоорун түзүүгө Ош шаардык мэриясы 2003-жылдын 2-июнунда жабык конкурс жарыялаган. Конкурста комиссия 88-88А номурлуу желектин долбоорун, 35-62 номурлуу гербдин долбоорун жактырган. Аталган долбоорлор Ош шаарынын мэри кол койгон токтом боюнча сунушталып, депутаттардын Ош шаардык Кеңешинин сессиясы тарабынан кабыл алынган.
Шаардын гербинин автору Улан Жалиев, желектин автору Динара Чокотаева.
Ош шаарынын желеги
Ош шаарынын желеги 2011-жылдын 12-октябрында Ош шаардык кеңешинин сессиясында мэрдин токтому менен, 2011-жылдын 11-майында жарыяланган шаардын желегинин мыкты дизайны боюнча шаардык сынактын жыйынтыгы менен бекитилген.
Желектин үстүнкү бөлүгүндөгү көк түстөгү асман эркиндиктин жана эркиндикке умтулуунун символу болуп саналат. Ортодо ыйык Сулайман-Тоонун элеси жайгашкан. Желектеги басымдуу түсү ак – тазалыктын, аруулуктун жана адилеттиктин символу. Желектин сол тарабында үй-бүлөлүк бакубаттуулуктун, тынчтыктын жана биримдиктин символу катары боз үйдүн түндүгү тартылган.
Желектин автору Адил Сабиров.
Ош шаарынын гимни
2011-жылдын 25-октябрында Ош шаарынын жаңы символдорунун бет ачары болуп, анда шаардын Герби жана Туусу көрсөтүлгөн.
Шаардын гимнин түзүүнүн максаты – Ош шаарынын тургундарынын өз шаары менен сыймыктануусун, мекенчилдик сезимди калыптандыруу жана маанилүү чоң иш-чараларда шаарды башка шаарлардын арасында таанытуу.
Ал эми гимнди Карбалас Бакиров менен Апаз Жайнаков жаратышкан. Гимндин тексттеринде Мекенге болгон сүйүү, сыймыктануу, келечекке болгон үмүт чагылдырылган.
Гимндин тексти:
Ош шаарым – кыргызымдын тарыхысың,
Орошон акыл эстин жарышысың.
Кылымдар кыйырында жашап келген,
Кыргыздын, кыргызымдын намысысың
Ош шарым – кыргызымдын сепилисиң
Достуктун, ынтымактын кепилисиң.
Акбуурам кан жүгүрткөн жүрөктөйсүң,
Сулайман тоо – суусаттырган тилектейсиң.
Сүртүлүп каректерге катып калган.
Сүйкүмүң – жан эргиткен сүрөттөйсүн,
Ош шаарым улуттардын биримдиги,
Туу туткан элибиздин эркиндигин.
Ош шаарым ак калпагың алчылансын,
Ой-тилек бийиктерге камчылансын.
Ош шаарым – жүз кылымга сактала бер,
Оруган сөздөр менен мактала бер,
Оргуган сөздөр менен мактала бер,
Ош шаарым жараткан белегисиң,
Эр жүрөк айкөл Манас элесисиң.
