Бүгүн Ош шаарындагы Ишматов көчөсүндө капиталдык оңдоп-түзөө жана жол куруу иштерине старт берилди.

Долбоордун алкагында узундугу 3,5 чакырым болгон жол 4 тилкелүү болуп, 24 метрге чейин кеңейтилет. Жолдун эки тарабына туурасы 2,5 метрден болгон тротуарлар курулуп, ирригациялык лотоктор орнотулат жана жашылдандыруу иштери жүргүзүлөт.

Белгилей кетсек, Ишматов көчөсү К. Исаков жана Базаров көчөлөрүн бириктирген шаардагы маанилүү транспорттук каттамдардын бири. Аталган жол аркылуу жүк ташуучу унаалардын кыймылы көп болгондуктан, жолдун учурдагы абалы тургундар үчүн бир топ көйгөйлөрдү жаратып келген.

Эми жолдун жаңыланышы менен транспорттук каттамдын сапаты жакшырып, жол кыймылынын коопсуздугу камсыздалат.

https://www.facebook.com/share/v/1ChB22VV7L/?mibextid=wwXIfr