Шаарыбыздын таза абасына жана өз ден соолугуңузга салым кошууга даярсызбы?

Ош шаарынын мэриясы сиздерди “Унаасыз бир күн — велосипед менен жумушка!” аталышындагы масштабдуу экологиялык челленджине катышууга чакырат!

Акциянын негизги максаты — шаарыбызда экологиялык транспортту жайылтуу, автоунааны азайтуу жана калаада сергек, таза чөйрөнү калыптандыруу.

1. Бир күнгө унаадан баш тартыңыз: Жумушка велосипед менен келиңиз.

2. Сүрөт/видео тартыңыз: Велосипед менен түшкөн сүрөтүңүздү же кыска видеоңузду (атайын жасалган рамка менен) социалдык тармактарга жарыялаңыз.
 (рамканы жүктөп алуу зарыл)

3. Хэштегдерди белгилеңиз:

#УнаасызБирКүн #ОшВелосипедте #ВелосипедМененЖумушка #ОшШаары #УнааданБашТарт

4. Эстафетаны өткөрүңүз: Постуңузга 2-3 кесиптешиңизди же досуңузду белгилеп (таг кылып), челленджди улантууга чакырыңыз.
АКЦИЯ АР АПТАНЫН ЖУМА КҮНДӨРҮ өтүп, 5-октябрь Ош шаарынын күнүнө чейин уланат. Алгачкы старт 28-август күнү берилет.

Акциянын соңунда эң креативдүү жана активдүү катышуучулардын посттору мэриянын расмий баракчаларына жарыяланып, “Эң активдүү катышуучу” номинациясы менен сыйланат.

Андыктан өз унааңызды бир күнгө токтотуп, жумушка велосипед менен келиңиз! Сүрөт же видеоңузду социалдык тармакка жарыялап, кесиптештериңизди челленджге чакырыңыз.

Жеке транспорттон бир күнгө баш тартуу — бул сиздин ден соолугуңузга жана шаарыбыздын айлана-чөйрөсүн коргоого кошкон салымыңыз!
https://www.facebook.com/share/r/192H3cyR6m/