Ош шаарынын мэри Жанарбек Акаев кезектүү кабыл алуу өткөрүп, жарандардын сунуш-пикирлерин жана көйгөйлөрүн укту.
Жолугушууда жер жана турак жай, мыйзамсыз курулуштарды ооздуктоо, социалдык колдоо сыяктуу шаар тургундарын түйшөлткөн актуалдуу маселелер көтөрүлдү.
Калаа башчысы ар бир кайрылууга өзгөчө көңүл буруп, тиешелүү кызматтардын жетекчилерине аларды мыйзам чегинде чечүү боюнча конкреттүү тапшырмаларды жүктөдү.
Ыкчам чечиле турган өтүнүчтөр жеринде чечилсе, кошумча изилдөөнү талап кылган суроолор жооптуу адистердин жеке көзөмөлүнө алынды.
