Ош шаарынын мэри Жанарбек Акаев бүгүн, 2-октябрь калаадагы “Ош” эл аралык аэропортуна жакын жайгашкан авиашаарча кичи районуна барды.
Эске салсак, эки ай мурун аталган жайга калаа башчы келип, көп кабаттуу үйлөрдүн короолору тазалоону, эски гараждар алып, иреттөөнү тапшырган.
Мэрдин тапшырмасы менен аймак толугу менен тазаланды. Жакында авиашаарчада жаңы сейил бак курулат. Анда чыныгы учактардын макеттери коюлуп, аэропорттун аурасы берилет.
Өз кыдыруусунда мэр аймактагы жаңы салынган тротуарды да көрүп чыкты. Мындан тышкары, балдар менен баарлашып, алардын талабы боюнча жаңы футбол аянтчасы курула турганын айтты.
