Ош шаарынын мэринин орун басары Шумкарбек Пайзиев төрагалык кылган муниципалдык жерлерди ижарага берүү боюнча комиссиянын кезектеги отуруму өттү.

Комиссиянын кароосуна архитектура жана тиешелүү документтери даярдалган 61 жер тилкеси киргизилген.

Анын ичинен:

– 50 жер тилкеси боюнча жарыя берилген. Алардын ичинен аукционго арыз түшкөн 18 жер тилкеси боюнча ачык аукцион өткөрүлүп, жеңүүчүлөрү аныкталды.

– Арыз түшпөгөн 32 жер тилкеси кайрадан аукционго чыгарыла турган болду.

Мындан тышкары, комиссияда кошумча маселелер каралды:

– 1 маселе – ижара мөөнөтүн узартуу;

– 2 маселе – убактылуу ижара шартында түз берүү;

– 8 маселе – аукционго чыгарууга уруксат алуу.

Бардык маселелер комиссия тарабынан каралып, тиешелүү чечимдер кабыл алынды.