Ош шаарынын мэриясынын муниципалдык турак-жай коммуналдык ишканасы тарабынан көп кабаттуу үйлөрдүн техникалык абалын жакшыртуу жана жашоочуларга ыңгайлуу шарттарды түзүү боюнча иштер жүргүзүлүүдө.
Аталган иштер Ош шаардык мэриясынын 50/50 кош каржылоо долбоорунун алкагында, көп кабаттуу үйлөрдүн жашоочулары менен биргеликте ишке ашырылууда.
2025-жылы 6 көп кабаттуу үйдүн чатыры жаңыланса, 2026-жылдын 9 айында бул көрсөткүч 11 үйгө жетип, 5 үйгө көбөйдү.
Кирмелерди капиталдык оңдоо боюнча 2025-жылдын 9 айында 19 кирме оңдолгон. Ал эми 2026-жылдын ушул мезгилинде 50 кирме толугу менен оңдолуп, өткөн жылга салыштырмалуу 31 кирмеге көбөйдү.
Мындан тышкары, көп кабаттуу үйлөрдүн суу менен камсыздоо, электр жана канализация системаларын оңдоо, тазалоо жана техникалык абалын жакшыртуу иштери жүргүзүлүүдө.
Жыйынтыгында, 2026-жылдын 9 айында чатырларды жаңылоо жана кирмелерди капиталдык оңдоо боюнча иштердин көлөмү өткөн жылга салыштырмалуу көбөйдү. Бул шаардагы турак жай фондун жакшыртууга жана жашоочулар үчүн ыңгайлуу шарттарды түзүүгө багытталган иштердин ырааттуу уланып жатканын көрсөтөт.
