10-11-октябрь күндөрү Ош шаарынын мэриясынын мамлекеттик тил комиссиясы жана “Ош шаарынын мэриясынын жүргүнчүлөр транспортунун агенттиги”, Ош шаардык автоунаа муниципалдык ишканалардын жетекчилери, кызматкерлери биргеликте “Кыргыз Республикасынын мамлекеттик тили жөнүндө” Кыргыз Республикасынын конституциялык Мыйзамынын аткарылышын көзөмөлдөө максатында Ош шаарындагы жүргүнчүлөрдү ташуучу каттамдардын ичи-сыртына илинген маалыматтарды жана багыттарды көрсөткөн жазууларды текшерүү боюнча рейд жүргүзүштү.

Рейд учурунда троллейбустар, 6 багыт боюнча каттаган автобустар жана жалпы 45 багытта жүргөн маршруттук каттамдар текшерүүгө алынды.

Мыйзам талаптарын одоно бузган жана кыргыз тилинин жазуу эрежелери сакталбаган маалымат тактайчаларды алмаштыруу жана мүчүлүштүктөрдү жоюу боюнча айрым айдоочуларга эскертүүлөр берилди.

Багыттарды мыйзам талаптарына ылайык келтирүү максатында маалымат тактайчаларынын бирдиктүү дизайнын иштеп чыгуу, “Западный”, “Юго-Восток”, “Дом-Быта”, “Черемушка”, СМУТТ сыяктуу аталыштарды мамлекеттик тилге өткөрүү тапшырмасы берилди.