Ош шаарынын мэри Жанарбек Акаев А. Шакиров көчөсү, №22 дарегинде жайгашкан “Эмаком” курулуш компаниясы тарабынан курулган көп кабаттуу үйдүн жашоочулары менен жолукту.

Жолугушууда тургундар электр энергиясы, лифттин иштеши, балдар ойноочу аянтча жана эс алуу үчүн аллея куруу маселелерин көтөрүштү.

Мэр жашоочулардын кайрылууларын угуп, ар бир маселе боюнча тиешелүү жетекчилерге конкреттүү тапшырмаларды берди.

Мындан тышкары үйдүн алдындагы каналдын жээгин иретке келтирип, тосмолорду аягына чейин орнотуп, каналдын боюна сквер жана жашыл аймак түзүү пландалып жатканын билдирди. Бул аймак жашоочулар үчүн ыңгайлуу эс алуу жайга айланат.

Пландалган иштерди жыл аягына чейин бүткөрүп, пайдаланууга берүү тапшырмасы коюлду.

https://www.facebook.com/share/v/18Gt6zQnBH/?mibextid=wwXIfr