“Эне-Сай” конушуна 13 үй-бүлө көчүрүлдү. Бүгүн жолдорду кеңейтүү иштеринин алкагында үйлөрү бузулган жарандарга “Эне-Сай” конушунан жаңы турак жайлардын ачкычтары тапшырылды.

Шаар башчысы Жанарбек Акаев жаңы үйлөрдүн ачкычтарын тапшырып жатып, жүргүзүлүп жаткан иштерге түшүнүү менен мамиле кылып, колдоо көрсөткөн тургундарга ыраазычылыгын билдирди.

Ошондой эле мэр жарандар үчүн ыңгайлуу шарттарды түзүү максатында, КР Президентинин колдоосу менен конушта мектептин курулушу жүрүп жатканын белгилеп, курулушу аяктаган соң окуучулар үчүн автобус бөлүнөрүн маалымдады.

Белгилей кетсек, 5-ноябрга чейин дагы 40ка жакын үй-бүлөнү турак жай менен камсыздоо пландалууда, ал эми экинчи этапта жыл аягына чейин дагы 50 үй-бүлөгө жаңы үйлөр берилет.

Мындан сырткары конушта бала бакча, балдар ойноочу аянтчалар жана башка социалдык объектилер курулуп, кошумча транспорттук каттамдар уюштурулат.