Ош шаарынын мэри Бакытбек Жетигенов жарандардын кайрылуусуна ылайык, Жапалак айылдык аймактык башкармалыгына караштуу Пятилетка айылынын А.Саргалчаев көчөсүнүн жашоочулары менен жеринде жолугушту.
Бакытбек Жетигенов жергиликтүүлөрдүн инфраструктуралык көйгөйлөрүн, анын ичинде аталган көчөнү асфальттоо, электр мамычаларын орнотуу жана аялдама куруу, канализация жана газ түтүктөрүнө туташтыруу боюнча маселелерин укту.
Жыйынтыгында тиешелүү кызматтарга төмөнкү тапшырмалар берилди:
– Келерки жылга А.Саргалчаев көчөсүн Н.Калмурзаев көчөсүнөн Р.Юнусов көчөсүнө чейинки бөлүгүн асфальттоо иштерин мерчемдөө;
– Муниципалдык биргелешкен каржылоо программасы аркылуу канализация жана газ менен камсыздоо тармактарына кошуу боюнча иштерди жүргүзүү;
– Аялдама куруу, керектүү сандагы электр мамылачаларын, таштанды контейнерлерин орнотуу.
