Ош шаарынын күнүнө карата Т. Сатылганов атындагы эс алуу багында өткөрүлгөн мэрдин кубогу үчүн эл аралык шахмат мелдеши соңуна чыкты.
Бул интеллектуалдык мелдешке Кыргызстан, Казакстан, Өзбекстан, Россия, Индия жана Түштүк Кореядан келген ар түрдүү курактагы мыкты шахматчылар катышып, өз ара чеберчиликтерин салыштырышты.
Финалдык оюндардан соң жеңүүчүлөрдү салтанаттуу сыйлоо аземи болуп өттү. Ош шаарынын мэринин орун басары Масуда Айдарбекова жана Кыргыз шахмат союзунун президенти Аида Салянова мыкты шахматчыларга кубок, медаль, диплом жана акчалай сыйлыктарды тапшырышты.
