Ош шаарынын Жибек жолу аймагында 101 жана 111-көчөлөрдүн 2 чакырымдан ашык бөлүгү капиталдык оңдоп-түзөөдөн өтүп, пайдаланууга берилди. Жолдун туурасы 18 метр. Эки тарабына ирригациялык лотоктор жана жөө жүргүнчүлөр үчүн тротуар курулуп, жашылдандырылды.
Ачылыш аземине Ош шаарынын мэри Жанарбек Акаев, мекеме-ишканалардын жетекчилери, шаардык кеңештин депутаттары жана тургундар катышты.
Белгилей кетсек, кош каржылоо долбоорунун алкагында Жибек жолу МАБында 20 көчө оңдолууда. Бүгүнкү күндө алардын 15и пайдаланууга берилди. Оңдолгон көчөлөрдүн жалпы узундугу 10 чакырымдан ашат.
Ачылуу аземде шаар мэри жергиликтүү жарандар менен биргеликте жашыл аймакка көчөт олтургузду.
