Бүгүн, Ош шаарынын прокуратурасынын демилгеси менен укук коргоо, фискалдык, мамлекеттик жана жергиликтүү өз алдынча башкаруу органдарынын жетекчилеринин коррупцияга каршы аракеттенүү боюнча координациялык кеңешинин кезектеги жыйыны өттү.
Жыйындын биринчи бөлүгүндө Ош шаарындагы муниципалдык менчиктеги жер тилкелерин ижарага берүүдө жана жеке менчикке өткөрүп берүүдө коррупциялык тобокелдиктерди алдын алуу, ошондой эле Билим берүү башкармалыгынын карамагындагы же ага тиешелүү болгон жер тилкелерин кайтаруу маселелери каралды.
Экинчи бөлүгүндө ведомстволор аралык кеңештин алкагында балдар арасындагы кылмыштуулукту жана үй-бүлөлүк зомбулукту алдын алуу боюнча аткарылып жаткан иштер талкууланды.
Жыйындын жүрүшүндө жашы жете электерге карата жасалган жана жашы жете электер тарабынан жасалган кылмыштардын статистикалык көрсөткүчтөрү, алардын келип чыгуу себептери талданып, укук бузуулардын алдын алуу боюнча жүргүзүлүп жаткан жана алдыда пландалган иш-чаралар боюнча сунуштар айтылып талкууланды.
