Бүгүн 22-августта Ош шаарында жалпы шаардык ишембилик өткөрүлүп, ага жалпысынан 10 миңден жаран катышышты.
Ишембиликтин жүрүшүндө шаар аймагындагы 91 гектар жер аянты тазаланып, 240 куб метр таштанды чыгарылды. Ошондой эле 6 300 метр ирригациялык арыктар тазаланып, шаардагы дарактар акталды.
Ишембиликке шаар тургундары, мекеме-ишканалардын, билим берүү жана башка социалдык объектилердин кызматкерлери активдүү катышып, шаардын аймагын тазалоо, көрктөндүрүү жана жашылдандыруу иштерине салым кошушту.
Мындай иш-чаралар Ош шаарынын тазалыгын камсыз кылуу, айлана-чөйрөнү коргоо жана шаарды көрктөндүрүү максатында үзгүлтүксүз өткөрүлүп келет.
Таза шаар — жалпыбыздын жоопкерчилигибиз!
