Орусиянын Новосибирск шаарынын 130 жылдыгы салтанаттуу белгиленди. Шаар күнү чоң майрамдык парад менен башталып, ага Ош шаарынын мэриясынын жана муниципалдык мекеме-ишканаларынын өкүлдөрү катышышты.

Иш сапарда, коноктор Новосибирск шаары менен таанышып, «Жыл мезгилдери» атуу гүл фестивалына күбө болушту.

Ошондой эле Кыргыз Республикасынын Новосибирск шаарындагы консулдугу менен биргеликте, Новосибирск, Томск, Омск шаарларындагы жогорку окуу жайларына бюджеттик орундарга жалпы республикалык тестирлөөдө төмөн балга ээ болгон бүтүрүүчүлөрдү окууга кабыл алууга көмөктөшүү боюнча Новосибирк облустук администрациясынын бөлүм башчысынын кабыл алуусунда болуп, жарандар менен иштөө боюнча 2 онлайн программа менен таанышышты.

Белгилей кетсек, Новосибирск менен Ош шаарынын ортосундагы боордош шаар келишимине 2009-жылы июнь айында кол коюлган.