Бүгүн, Ош шаарынын мэри Бакытбек Жетигенов “Ош-Тазалык” атайын адистештирилген муниципалдык ишканасына жергиликтүү бюджеттин жана ишкананын өздүк каражатынын эсебинен сатып алынган 7 жаңы заманбап атайын техникалар менен жабдууларды тапшырды.

Калаа башчысы техникалар ишкананын өндүрүштүк-техникалык базасын чыңдоо менен бирге, шаардын тазалыгын камсыз кылуу, кызматкерлерге ыңгайлуу шарттарды түзүү менен иштин сапатын да жакшыртаарын белгиледи.

Ишканага төмөнкү техникалар сатып алынды:

– Көчөлөрдү жууп тазалоочу, Dongfeng маркасындагы 2 бирдик чаң соргуч автоунаасы;

– Таштанды ташып чыгаруучу (6 куб метр сыйымдуулугу менен) Dongfeng маркасындагы 2 бирдик атайын автоунаасы;

– 1 тонналык жүк ташуучу 2 электротрицикл;

– Таштанды чогултуучу 1 электротрицикл;

– Шыпыруучулар үчүн жабдуулары менен арабасы бар 30 таштанды чогултуучу контейнер;

– Шыпыруучулар үчүн 100 даана таштанды тергич.