Ош шаарынын мэринин биринчи орун басары Марс Исаев үстүбүздөгү жылдын 7 айындагы жергиликтүү бюджеттин аткарылышы боюнча жыйын өткөрдү.
Жыйынга Мамлекеттик салык кызматынын Ош шаары боюнча башкармалыгынын, ири салык төлөөчүлөрдү көзөмөлдөө бөлүмүнүн, Ош шаарынын мэриясынын муниципалдык менчик башкармалыгынын, «Жапалак автоунаа базары» муниципалдык ишканасынын жана борбордук базар жетекчилери катышты.
Жыйындын жүрүшүндө жети ай аралыгында жергиликтүү казынанын киреше бөлүгүнүн аткарылышы боюнча маалыматтар угулду.
Соңунда, тиешелүү кызматтар менен мекемелердин жетекчилерине 9 айдын жана жыл жыйынтыгы боюнча мерчемделген милдеттерди так аткаруу тапшырмалары берилди. Ошондой эле, Ош шаарынын ири салык төлөөчүлөрдү көзөмөлдөө бөлүмүнүн кызматкерлерине 1-сентябрга чейин мүлк жана транспорт салыктарын чогултуу боюнча тиешелүү рейддик иш-чараларды жүргүзүү тапшырмасы коюлду.
