Бүгүн Ош шаарынын мэриясында мэрдин орун басары Эрнис Толтоев шаар тургундарын кабыл алып, алардын кайрылууларын угуп, көтөрүлгөн маселелер боюнча тиешелүү түшүндүрмөлөрдү берди.
Кабыл алууда жарандар тарабынан негизинен шаар аймагындагы мыйзамсыз курулуштарды жана объектилерди сүрдүрүү, жер тилкелерине байланышкан маселелер, аймактарды ирээтке келтирүү, коммуналдык кызматтар, жол жана инфраструктура, ирригациялык тармактар жана башка көйгөйлөр көтөрүлдү.
Ар бир кайрылуу өзүнчө каралып, маселелерди мыйзам чегинде чечүү боюнча тиешелүү бөлүмдөргө жана муниципалдык мекеме-ишканалардын жетекчилерине тапшырмалар берилди.
