Жарым кылымдан бери капиталдык оңдоп-түзөөдөн өтпөй турган кыймыл-таяныч тутумундагы мүмкүнчүлүгү чектелген балдардын ден соолугун калыбына келтирүү борборунун жаңыланган имараты менен шаар мэри Жеңишбек Токторбаев, шаар кеңеш төрагасы Болот Баетов, борбордун жамааты жана балдар алардын ата-энелери чогу көрүп чыгышты.Эки кабаттуу имараттын эскилиги жетип чатыры алмаштырылып, ички жана сырткы дубалдары көчүрүлүп, жаңыдан акталып-сырдалды. Эшик-терезелери толугу менен алмаштырылып, полу жана шыптары жаңыртылды, коридорлоруна плитка төшөлдү. Мындан сырткары, коляскадагы балдардын ыңгайы үчүн лифт курулду. Имараттын сырты жылууланып, сырдалды. Короосуна брусчатка жана асфальт төшөлүп, газон эгилди. Балдар үчүн бардык шарттары менен атайын ашкана курулду. Ошондой эле имараттын сырткы тосмосу курулуп, арка жана дарбаза орнотулду. Ооруканага Ош, Жалал-Абад, Баткен облустарынын тургундары кайрылышат. Борбор бир учурда 70 бейтапты кабыл алууга ылайыкташкан.
