Бүгүн, 5-октябрь Ош шаарынын күнү салтанаттуу белгиленүүдө. Мааракеге коңшу Казакстан, Өзбекстан, Орусия жана Кытай Эл Республикасынан делегациялар келишти. Атайын иш-чарага Шымкент, Тараз, Новосибирск, Ростов-на-Дону, Ярославль, Наманган жана Андижан шаарларынын мэриялары менен муниципалдык мекемелеринен келген өкүлдөр, ошондой эле Кыргызстандын бир катар шаарларынын мэрлери катышышты. Коноктор Ош шаарынын мэри Жеңишбек Токторбаевди жана шаар тургундарын маанилүү маараке менен куттуктап, жылуу каалоо-тилектерин билдиришти. Ошондой эле Ош шаары менен кызматташтыкты мындан ары да өнүктүрүү жана боордоштук мамилени чыңдоо ниеттерин айтышты. Иш-чаранын жүрүшүндө майрамдык белектер тапшырылып, достук жана кызматташтык байланышы дагы бир ирет бекемделди.
