🔹Ош шаарындагы райондор аралык көз оорулары боюнча медико-социалдык эксперттик комиссиясынын имараты капиталдык ремонттон өткөрүлдү.

🔹Бүгүн жаңыланган имараттын ачылыш аземи өтүп, ага шаар мэри Жеңишбек Токторбаев, шаардык кеңештин төрагасы Болот Баетов катышты.

🔹Буга чейин мэр аталган мекеменин абалын көрүп чыгып, көйгөйлөрү менен таанышкан. Ишкананын жамааты калаа башчысына эскилиги жеткен имаратты оңдоп берүү өтүнүчү менен кайрылган. Жеңишбек Токторбаевдин тапшырмасынан кийин оңдоп-түзөө иштери башталып, имарат заманбап абалга келтирилди.

🔹Белгилей кетсек, бул мекеме Ош шаарынын жана Алай районунун тургундарын тейлеп, жалпы оорулар боюнча майыптуулук категориясын аныктоо кызматын көрсөтөт.