Ош шаардык ички иштер башкармалыгынын Сулайман-Тоо милиция бөлүмүнө жаңы имарат курулду. Бүгүн Президент Садыр Жапаровдун онлайн катышуусунда имараттын ачылуу аземи болуп, пайдаланууга берилди.
Ош шаарынын мэриясы имарат курууга 18500 чарчы метр жер аянтын жана андан сырткары 10 миллион сом акча каражатын бөлүп берген. Ага ылайык 3 кабаттан турган имарат тургузулуп, бөлмөлөр керектүү эмеректер жана компьютерлер менен камсыздалды.
Ошондой эле өлкө башчынын атынан милиция бөлүмүнө кызматтык унаа белек катары тапшырылды.
Иш-чарада Ош шаарынын мэри Жеңишбек Токторбаев милиция кызматкерлерин кесиптик майрамы менен куттуктап, жаңы имаратка жеке каражатынын эсебинен 13 кондиционер коюп берүүнү убадалады.
