Таңкы рейддин жүрүшүндө шаар мэри Жеңишбек Токторбаев Алишер Навои атындагы эс алуу багынын аймагында алынып салынган соода-сатык жайларынын ордуна беш миң (5000) түп көчөт отургузуу боюнча тапшырма берди. Белгилей кетсек, буга чейин шаар башчысы аталган парктагы бир катар соода-сатык жайларын алып салуу боюнча көрсөтмө берген. Ошондой эле парк толугу менен жаңыланып, шаар тургундары үчүн заманбап жана ыңгайлуу шарттар түзүлүшү керектигин баса белгилеген. Ошондой эле парк аймагында жайгашкан “Палван-Сарай” имаратынын орду келечекте эс алуу жайы катары уюштурулат.
