Бүгүн, таңкы рейддин жүрүшүндө шаар мэри Жеңишбек Токторбаев, тиешелүү кызматтардын жетекчилери менен биргеликте Тилеке баатыр көчөсүндө жайгашкан, мурдагы вице-мэр – учурда Эсеп палатасынын аудити Алимжан Байгазаков таандык (эски автобекеттин жанында) 4 кабаттуу имаратты жеринен көрүп чыкты.Аталаган объект эски автобекеттин жерине жана Ак-Буура дарыясынын суу коруг аймагына мыйзамсыз курулган, ага ылайык объектти бузуу үчүн бир канча ирет тиешелүү эскертүү кагаздары берилген. Эскертүү берилгендигине карабай, мыйзамга баш ийбей ушул убакытка чейин ээси тарабынан буздурулбай келет.Ага ылайык Ош шаарынын мэри аталган имаратты жана жанындагы объекттерди, анын ичинде учурда максаттуу багыты боюнча пайдаланылбай жаткан №1 автобекетти бузуу боюнча тапшырма берди.Эске салсак, буга чейин Ош шаарынын мэринин тапшырмасы менен мурдагы вице-мэрдин курулушунун жанында жайгашкан «Кристалл» мейманканасы буздурулган.
