Селдин кесепеттерин жоюуга КР ӨКМнин Ош шаары боюнча башкармалыгынан 120 куткаруучу, 7703 а/б 50 жана 36806 а/б 70, 2024 а/б 42,92840 а/б 30 аскер кызматкерлери ошондой эле ИИМ кызматкерлеринен 170 милиция кызматкерлери, Тез жардам, Жашылдандыруу, Шаардык жол башкармалыгынан, транспорт кызматынан техникалар тартылган.
Ош, Сулайман-Тоо РЭСтин бир катар постанцияларын, Кара-Суу РЭСке караштуу Беш-Мойнок подстанциясын сел жууп кетип, электр энергиясы өчкөнүнө байланыштуу Фер-Ас, Большая рыбка скважиналары, номер жетинчи, Актан, Карашев скважиналары, 222-223 кварталына суу берүүчү скважина иштебей турат. Андан сырткары суу насостук станциясын, таза суу түтүктөрүн да сел алып кеткен.
Ош шаарынын аймагындагы 8 өтмөктү сел агызып кеткен.
Тиешелүү кызматтар учурда жеринде селдин кесепеттерин жоюу иштерин алып барууда.
