Бабур атындагы театрда бүгүн Кулчулуктун курмандыктарын эскерүүнүн жана анын жоюунун эл аралык күнүнө карата иш-чара болуп өттү. Аталган иш-чара «Адам сатууга каршы 100 күн» маалыматтык өнөктүгү алкагында өткөрүлдү.
Иш-чарада чет өлкөгө жумуш издеп кетүүнү каалаган жарандар үчүн бош орундардын жарманкеси уюштурулуп, коопсуз миграция боюнча тиешелүү кызматтар тарабынан маалыматтар берилди.
Ош шаарынын мэринин орун басары Нурбек Кадыров менен КР Президентинин Ош облусундагы ыйгарым укуктуу өкүлүнүн орун басары Талантбек Курбаналиев коопсуз миграция тармагында ийгиликтүү иш алып барган мекеме-уюмдардын салымын белгилешип, Ардак грамота жана ыраазычылык баракчаларын тапшырышты.
Ошондой эле, темага байланыштуу театрлаштырылган спектакль, концерттик программа тартууланып, волонтердук уюмдар тарабынан флешмобдор көрсөтүлдү.
