🔸 Бүгүн, Ош мамлекеттик университетинде “Кыргыз Республикасынын Баатыры”, көрүнүктүү коомдук жана мамлекеттик ишмер, илимпоз Апас Жумагуловдун 90 жылдыгына арналган “Кыргызстандын эгемен жолундагы Апас Джумагуловдун ролу: тажрыйбалар жана чакырыктар” аттуу илимий-практикалык конференциясы болуп өттү.

🔸 Иш-чарага Апас Жумагулов жубайы менен, Ош шаарынын мэринин орун басары Нурбек Кадыров, КР Президентинин Ош облусундагы ыйгарым укуктуу өкүлү, ОшМУнун ректору Кудайберди Кожобеков, КР Соода-өнөр жай палатасынын президенти Темир Сариев, КР экс-премьер-министрлери Жантөрө Сатыбалдиев, Кубанычбек Жумалиев, профессорлор жана академиялык коомчулуктун жана илимий чөйрөнүн өкүлдөрү, студенттер катышты.

🔸 Конференциянын алкагында Кыргыз мамлекеттүүлүгүнүн түптөлүү мезгилиндеги саясий, социалдык, экономикалык жана маданий тармактарда туруктуу өнүгүүгө жетишүү үчүн көрүлгөн тарыхый процесстер, Кыргызстандын эгемендике ээ болгондон баштап өнүгүү этаптары, негизги саясий окуялар талкууланды.

🔸 Ошондой эле, экономиканын негизги тармактарын өнүктүрүү чөйрөсүндөгү реформалардын башаты, жүрүшү жана келечеги талданды.

🔖 Белгилей кетсек, Апас Жумагуловдун 90 жылдык маарекеси мамлекеттик иш-чаралардын катарына кирип, жер-жерлерде өткөрүлүп жатат.