Бүгүн, Ош шаарынын мэри Бакытбек Жетигенов жеке маселелер боюнча жарандарды кабыл алып, сунуш, кайрылууларын укту.
Кабыл алууга мэриянын аппаратынын өкүлдөрү жана шаардык, муниципалдык мекеме-ишканалардын, муниципалдык аймактык башкармалыктардын жетекчилери катышты.
Жарандар негизинен жылуулук, материалдык жардам көрсөтүү, жер, ипотекалык шартта турак жай алуу, мыйзамсыз курулуштарга чара көрүү, тамактануучу жайлардын санитардык абалы, жаңыдан курулуп жаткан базардан орун алуу маселелери менен кайрылышты.
Шаар башчысы ар бир жарандын кайрылуусуна толук жооп берип, суроо-талаптар боюнча тиешелүү кызматтардын жана бөлүмдөрдүн жетекчилерине тапшырмаларды берди.
