Ош шаарынын Көкүм-Бий көчөсүндө курулган Көкүм бийдин эстелиги жана эс алуу жайынын ачылышы болду. Иш-чарага мэр Жеңишбек Токторбаев, шаардык кеңештин төрагасы Болот Баетов жана жергиликтүүлөр катышты.
🔹Жалпы бийиктиги 6 метр болгон эстелик орнотулуп, айланасында отургучтар коюлуп, брусчатка басылды. Ошондой эле жанындагы көп кабаттуу үйлөрдүн жолдору асфальтталып, балдар аянтчасы курулду. Жасалган иштер шаар бюджетинен каржыланды.
🔹Быйыл Көкүм-Бий көчөсү толугу менен реконструкцияланып, кеңейтилди. Бул көчө Ош шаары менен Араван районун бириктирген маанилүү көчөлөрдүн бири.
🔹Тарыхта орду чоң инсанды даңазалаган аракети үчүн мэр Жеңишбек Токторбаевге шаардык кеңештин Ардак грамотасы тапшырылды.
