Жолугушуунун алкагында аталган аймактык башкармалыгынын башчысы 2024-жылы социалдык багытта, санариптештирүү, аймактын инфраструктурасын өнүктүрүү, кош каржылоо программасынын алкагында аткарылган иштер боюнча кыскача маалымат берди.

Жолугушуу суроо-жооп иретинде өтүп, жергиликтүү жашоочулар ичүүчү суу, жол, тротуарларды, балдар ойноочу аянтчаларды куруу, айрым мектептердин ичи-сыртын оңдоп-түзөө, коомдук транспорт, тазалык, жылуулук, газ, аймактын алыскы конуштарындагы маселелерге байланыштуу көйгөйлөрдү көтөрүштү.

Жеңишбек Токторбаев ар бир жашоочунун айтылган жана кат жүзүндө берилген суроосуна жооп берип, сунуштарды эске алуу менен бирге маселелерди жеринен көрүп чыгаарын билдирди.

Ошондой эле, быйылкы жылы кичи райондорду өнүктүрүүгө өзгөчө көңүл бурулуп ички жолдор менен тротуарлар оңдолоорун белгиледи.

Жыйынтыгында тиешелүү кызматтардын жетекчилерине айтылган маселелерди чечүү боюнча талаптарын койду.