Бүгүн, 31-январда Ош шаардык кеңешинин кезектеги V сессиясы башталып, ага Ош шаарынын мэри Жеңишбек Токторбаев, шаардык кеңештин төрагасы Болот Баетов, Ош шаарынын мэринин орун басарлары, депутаттар, шаардагы мекеме-ишканалардын жетекчилери катышты.
Сессиянын башында шаар башчысы Жеңишбек Токторбаев Ош шаарынын туруктуу өнүгүүсү үчүн аткарылуучу иштер боюнча айтып берип, алдыга коюлган максаттар менен бөлүштү. Ошондой эле, депутаттардын сунуш-пикирлерин укту.
Андан соң күн тартибине кирген төмөнкү 4 маселе каралды:
-Ош шаарынын жакынкы аралыктагы өнүгүү багыттарын талкуулоо;
-Ош шаарынын айрым көчөлөрүндөгү бак дарактарды кыюуга макулдук берүү жөнүндө;
-“Ош шаарынын мэриясынын айылдык аймактык башкармалыктарынын айыл башчылары жөнүндө” Жобону бекитүү жөнүндө;
-Ош шаардык Кенешинин Президиумун түзүү жана анын курамын бекитүү жөнүндө.
