Алгач чогулган элге муниципалдык аймактык башкармалыктын башчысы 2024-жылы аткарылган жумуштар боюнча баяндама жасап, алдыда аткарылуучу жумуштарды тизмектеди.
Суроо-жооп учурунда аймактын жашоочулары коомдук транспорт, эс алуу үчүн аймактарды уюштуруу, бала бакча, мектептин короосун оңдоо, жол тыгынын жоюу, ички жолдорду ачуу, асфальттоо, социалдык, коммуналдык, турак-жай маселелерине байланышкан көйгөйлөрүн айтышты.
Мэр Жеңишбек Токторбаев жана тиешелүү кызматтардын жетекчилери жергиликтүү калк тарабынан берилген суроолорго жооп беришип, сунуштарын угушту.
Шаар башчысы жергиликтүү маанидеги маселелер менен жеринде таанышып чыгарын, чечүүгө мүмкүн болгон маселелерди тез арада карап чыгуу боюнча тиешелүү кызматтардын жетекчилерине протоколдук тапшырмаларды берди.
