Шаар башчысы ички көчөлөрдү иретке келтирүү боюнча шаар тургундарынан үзгүлтүксүз кайрылуулар келип жатканын билдирди.

Анын негизинде ири жолдорду унаа тыгынынан жеңилдетүү максатында аталган көчөлөрдү кеңейтүү, кызыл сызыкка чыгып кеткен, эскилиги жетип, шаардын сырткы көрүнүшүн бузган мыйзамсыз курулуштарды алып салуу боюнча тапшырмалар берилди.

Шаар башчысы ички көчөлөргө убагында тиешелүү көзөмөл болбогондугунан алар жарымынан көбү тарып кеткенин белгиледи. Мында, жолдордун боюна өз билемдик менен мыйзамсыз үй-жайлар, тосмолор, чатырлар орнотулуп, арыктар, бак-дарактар каралбай калган.

“Баарын иретке келтириңиздер жана жолдорду кеңейтиңиздер, тургундар бул маселелер боюнча дайыма кайрылышууда” – деди Жеңишбек Токторбаев.

Шаар көчөлөрүн талаптарга шайкеш келтирүү иштери улантылат.