Шаар башчысы тиешелүү кызматтарга бул жактагы кызыл сызыктан чыгып кеткен жана өз билемдик менен курулган чарбалык курулуштарды алып салуу, муниципалдык менчиктеги жер тилкелерди бошотуп, жолдорду ачуу жана кеңейтүү, жөө жүрүүчүлөр үчүн тротуарларды куруу, ирригациялык жана суугат тармактарды орнотуу, жаңы жашыл аймактарды түзүү боюнча тапшырмаларды берди.

Шаар башчысы ошондой эле Озгур айылынын жашоочулары менен жолугушуп, алардын мындан 45 жыл мурун жабылган Н.Исанов көчөсүндөгү эски көрүстөндү жылдырып, анын ордуна спорт комплексин же башка социалдык объектти куруу, айылдагы эки көпүрөнү оңдоп берүү суранычтарын укту.

Мэр тиешелүү кызматтарга бул багытта тийиштүү иш алып барып, аны кийинчерээк коомдук максаттарда пайдалануу үчүн, рекультивация кылуу менен бирге эл суранган объектти куруп берүүнү тапшырды.