Бүгүн, Ош шаарынын мэри Жеңишбек Токторбаев жеке маселелер боюнча жарандарды кабыл алып, кайрылууларын укту. Кабыл алууга мэриянын аппаратынын өкүлдөрү жана шаардык, муниципалдык мекеме-ишканалардын, аймактык башкармалыктардын жетекчилери катышты.
Жарандар негизинен турак-жай, социалдык, материалдык жардам көрсөтүү, жер, жаңы муниципалдык базардан орун алуу маселелери менен кайрылышты.
Шаар башчысы ар бир жарандын кайрылуусуна толук жооп берип, суроо-талаптар боюнча тиешелүү кызматтардын жана бөлүмдөрдүн жетекчилерине тапшырмаларды берди.
МААЛЫМАТ ҮЧҮН:
Ар аптанын шейшемби күнү жарандарды кабыл алуу болот. Кабыл алууга катышууну каалаган жаран арыз, кайрылууларын жазуу түрүндө (Аты-жөнүн, байланыш маалыматтарын, дарегин так көрсөтүү менен) Ош шаарынын мэриясынын документтер менен камсыз кылуу жана көзөмөлдөө бөлүмүнө (коомдук кабылдама терезеси) кайрылып, каттоого алынып, кезекке туруусу абзел.
Ар аптанын шейшемби күнү жарандарды кабыл алуу болот. Кабыл алууга катышууну каалаган жаран арыз, кайрылууларын жазуу түрүндө (Аты-жөнүн, байланыш маалыматтарын, дарегин так көрсөтүү менен) Ош шаарынын мэриясынын документтер менен камсыз кылуу жана көзөмөлдөө бөлүмүнө (коомдук кабылдама терезеси) кайрылып, каттоого алынып, кезекке туруусу абзел.
