Ош шаарынын мэри Жеңишбек Токторбаевдин тапшырмасына ылайык Манас-Ата аймактык башкармалыгындагы Авиценна көчөсүн кеңейтүү иштери башталды.Учурда жол четиндеги кызыл сызыкка чыккан курулуштарды алып салуу, жолду кеңейтүү, курулуш калдыктарын алып чыгуу жумуштары жүрүп жатат. Аны менен катар Жекелик каналынын корук аймагындагы курулуштар алынып салынып, каналдын жээги тазаланууда. Жолду кеңейтүү иштеринин алкагында Авиценна көчөсү Раззаков көчөсүнөн тарта Орто Азия мейманкасы аркылуу толук ачылып, Датка айылына чыгат. Буга чейин аталган көчө жабык болуп жол болгон эмес, жаңыдан ачылууда.
