Бүгүн, Ош шаарындагы Бабур театрында 5-октябрь – Кыргыз Республикасынын билим берүү кызматкерлеринин кесиптик майрамына карата иш-чара болуп өттү.
Иш-чарага Ош шаарынын мэринин орун басары Нурбек Кадыров, шаардык билим берүү мекеме-уюмдарынын жетекчилери, мугалимдери катышышты.
Мэрдин орун басары Нурбек Кадыров келечек ээлерин тарбиялоодогу жана сапаттуу билим берүүдөгү негизги жүктү аркалап келе жаткан тармактын өкүлдөрүнө куттук сөздөрүн айтып, ардактуу кесип ээлерине ийгиликтерди каалады.
Майрамдык иш-чаранын алкагында билим берүү тармагында көп жыл эмгектенген агартуучулар Ош шаарынын мэриясынын Ардак грамоталары менен сыйланды.
Ошондой эле, мектепке чейинки билим берүү уюмунун тарбиячылары жана мектеп мугалимдеринин арасында “Ыр кесе” концерттик программасы тартууланды.
