Эгемендүүлүктүн 33 жылдыгына арналган майрамдык иш-чара борбордук аянттагы чоң программадагы гала-концерт менен жыйынтыкталды. Иш-чарага Ош шаарынын мэри Бакытбек Жетигенов, КР Президентинин Ош облусундагы ыйгарым укуктуу өкүлүнүн биринчи орун басары Курбанбек Айтибаев, шаар тургундары катышты.
Шаар башчысы Бакытбек Жетигенов эркиндикти аздектеп келген элдин урпактары катары — көз карандысыздыкты коргоо, чыңдоо, бекемдөө ар бирибиздин негизги милдетибиз экендигин белгилеп, жалпы мекендештерди майрам менен куттуктады.
Майрамдык гала-концерт маданий театрлаштырылган оюн-зоок, фейерверк, белгилүү ырчылардын коштоосундагы гала-концерт менен уланып, дискотека менен жыйынтыкталды. Белгилей кетсек, 1991-жылы өлкө СССРдин курамынан бөлүнүп, көз карандысыз мамлекет болгон. Ошол жылы 31-август өлкөнүн эгемендик күнү деп жарыяланган.
