Бабур театрында бүгүн, «Билим берүүгө 100 жыл: трансформация чакырыктар жана жаңы горизонттор» аталышында мугалимдердин кезектеги жылдык август кеңешмеси болуп өттү.

Кеңешмеге Ош шаарынын мэри Бакытбек Жетигенов, Кыргыз Республикасынын билим берүү жана илим министри Догдуркул Кендирбаева, шаардык Кеңештин төрагасынын орун басары Шайырбек Нуранов, шаардык билим берүү башкармалыгынын жетекчиси Салтанат Аматова, ЮНИСЕФ өкүлдөрү, билим берүү мекемелеринин жетекчилери, мугалимдер, тарбиячылар, ата-энелер катышты.

Конференцияда билим берүү тармагында жүзөгө ашырылган иштер, ийгиликтер, аткарылып жаткан программалар жана алдыда жасалуучу жумуштар боюнча баяндалды.

Ошондой эле, Ош шаарынын мэриясынын атынан өзгөчөлөнгөн билим берүү мекемелеринин жетекчилерине, мугалимдерге, республикалык олимпиадалардын жеңүүчүлөрүнө жана “Алтын тамга” аттестаттарынын ээлерине Ардак грамоталар, ыраазычылык баракчалар жана акчалай сыйлыктар тапшырылды.