Бүгүн, Ош шаарынын күнүнө карата “Газпром” спорт комплексинде 15-17 жаштагы спортчулар арасында таэквондо боюнча ITF “OSH CUP” эл аралык турнирдин ачылышы болду.
Ачылыш аземине Ош шаарынын мэринин орун басары Нурбек Кадыров, “Таэквон-до ITF” федерациясынын президенти Кутман Мукашев жана башка спорт чөйрөсүнүн өкүлдөрү катышты.
Турнирге Казакстан, Өзбекстан, Кыргызстандын 7 дубанынан жана Бишкек, Ош шаарларынан келген 400дөн ашык спортчу катышууда.
Айта кетсек, аталган турнир Ош шаарында алгачкы жолу өткөрүлүүдө. Мелдештер эки күнгө уланат.
