Бүгүн 19-ноябрда, Ош шаарынын мэриясынын мамлекеттик тил комиссиясы, Ош шаардык муниципалдык менчик башкармалыгынын, шаар куруу жана архитектура боюнча Ош шаарынын башкы башкармалыгынын, Монополияга каршы кызматынын өкүлдөрүнүн, муниципалдык аймактык башкармалыктарынын жетекчилеринин катышуусунда шаардын сырткы көрүнүшүн иретке салуу жана “Кыргыз Республикасынын мамлекеттик тили жөнүндө” Кыргыз Республикасынын конституциялык Мыйзамынын жана “Жарнама жөнүндө” Мыйзамынын талаптарына ылайык келтирүү максатында И.Разаков жана Кара-Суу көчөлөрүндө рейд жүрдү.
Рейд учурунда жалпы 30 жакын жеке менчик объектер мамлекеттик тилде жазылуусу текшерилди. Ошондой эле мыйзам талабына жооп бербеген, иретсиз жайгаштырылган, эскилиги жетип, шаардын көркүн бузган жарнамалар алынып, жарнама ээлерине түшүндүрүү иштери жүргүзүлдү.Ош шаарынын мэриясы ресторан, кафе, тиш дарылоо, сулуулук салон, тез татым жана дүкөн иштеткен ишкерлерге аталыштарын жазууда мамлекеттик тилде жана жарнамаларды көчөлөргө жайгаштырууда мыйзам талаптарын сактоону эскертет.
Рейддик иш-аракеттер уланат.
