Ош шаарында жаштардын жана жашы жете элек өспүрүм балдардын арасында баңги каражаттарын, психотроптук, синтетикалык заттарын колдонуунун алдын алуу максатында 16-апрелден тарта 16-майга чейин бир айлык акция жарыяланды.
Анын алкагында Саламаттыкты сактоо министрлигинин алдындагы дары-дармек департаментинин түштүк филиалынын кызматкерлери жана Ички иштер министрлигинин баңги заттарды мыйзамсыз жүгүртүүгө каршы күрөшүү кызматы тарабынан синтетикалык баңги заттардын жана дарыкана наркоманиясын алдын алууга багытталган көзөмөлдөө иш-чарасы жүргүзүлдү.
