Сиздерди 10-ноябрь “Бүткүл дүйнөлүк жаштар” күнү менен Ош шаарынын мэриясынын жана жеке өзүмдүн атымдан чын дилимден куттуктаймын!

Жаштар биздин үмүтүбүз жана өлкөбүздүн келечеги. Сиздердин ийгиликке жана жеңишке болгон ар бир кадамыңыздар Кыргызстандын эртеңине, беделине кошкон салымыңыздар.

Ата-бабаларыбыз бизге мурас калтырган эгемендүү мамлекетибиз бар. Нечен кылымдарды карытып, далай кыйынчылыктарды, сыноолорду баштан кечирген кыргыз элинин улуу көчүн улантуучу бул сиздерсиздер. Алдыңарда Кыргыз тарыхын дагы жаза турган жаркын барактар, бийик милдеттер турат.

Ош шаарынын жаштары да бүгүнкү күндө ар тараптуу өлкөнүн экономикалык, социалдык жана аймактык өнүгүүсүнө өз салымдарын кошуп келүүдө. Алдыга койгон максатыңардан тайбай, ар дайым алдыга жаратмандыкка, ак эмгекке, жакшылыкка умтулгула. Ош шаары сиздер менен дайыма сыймыктанат!

Дагы бир ирет жаштар күнү менен чын жүрөктөн куттуктайм. Баарыңарга чың ден соолук, кажыбас кайрат, жалындуу жаштык каалайм!