Бүгүн, 29-ноябрда Ош шаарында Санкт-Петербург күндөрүнүн алкагында Санкт-Петербург шаарынан келген делегация өкүлдөрү “Өчпөс от” мемориалдык комплексине гүл коюшту.
Иш-чарага Ош шаарынын мэринин орун басары Нурбек Кадыров, Ош шаарындагы Орус үйүнүн өкүлдөрү, шаар тургундары, окуучулар катышты.
Иш-чаранын алкагында Улуу Ата Мекендик согушта курман болгон жоокерлер бир мүнөт унчукпай туруу менен эскерилди.
Айта кетсек, Ош жана Санкт-Петербург шаарларынын ортосундагы боордоштук мамилелердин түзүлгөндүгүнүн 20 жылдыгына карата Ош шаарында Санкт-Петербург күндөрү өтүүдө. Анын алкагында бүгүн кечинде Бабур театрында Ленинград блокадачыларына арналган көргөзмө жана “Бис-Квит” камердик оркестринин концерти өтөт.
