Ош шаары эл аралык “Ачык жергиликтүү башкаруу” (OGP Local) демилгесине кошулду. Бул глобалдык тармакта 162 жергиликтүү башкаруу органы бар. Борбордук Азиядан азырынча Бишкек жана Ош шаарлары гана катышып жатат.
“Ачык жергиликтүү башкаруу” демилгеси – бул эл аралык платформа болуп саналат. Мында жергиликтүү өз алдынча башкаруу органдары жарандар менен биргеликте ачык-айкындуулук жана коом алдындагы отчеттуулук боюнча ойлорун иштеп чыгып, тажрыйба алмашат.
Ош шаарынын мэриясы жана “Өнүктүрүү саясат институту” ОGP демилгеси алкагында «Ачык Ош» комитетин түзүүдө активдүү жарандарды кызматташууга чакырат.
“Ачык Ош” комитети – жергиликтүү өз алдынча башкаруу органдардын жана Ош шаарындагы жарандык коомчулуктун кызыкчылыктарын билдирип турат. Жумушчу тобуна Ош мэриясынан 3 өкүл жана жарандык коомдун атынан 3 өкүл шайланат.
“Ачык Ош” комитетин түптөө жана ишмердигин жүргүзүүгө кызыксаңыз төмөнкү талаптарды аткарыңыз:
“Ачык Ош” демилгесине кошулуунун Декларациясынын текстин төмөнкү шилтеме аркылуу таанышыңыз:Декларация:
https://docs.google.com/document/d/1CuQvoGuatXnlmtF7NrPvkgxpEStMMxgSpxboTat13rU/edit?usp=sharing
Декларациянын шарттарын кабыл алсаңыз жана демилгеге кошулууга даяр болсоңуз, декларацияда көрсөтүлгөн шилтеме аркылуу онлайн каттоодон өтүңүз. Каттоо 6-сентябрдан 20-сентябрга чейин жүргүзүлөт.
Катталгандар сентябрдын аягында уюштуруу жыйынына чакырылат. Жыйын Ош шаарында, В.Ленин көчөсү 221 дарегинде өтөт. Чакыруулар каттоодо көрсөтүлгөн электрондук почтага жөнөтүлөт.
Кошумча маалымат алуу үчүн Азамат Мамытовго (0770) 77-11-14 телефонуна же AMamytov@dpi.kg электрондук почтасы аркылуу байланышсаңыздар болот.
