31-август, Кыргыз Республикасынын көз карандысыздыгынын 33 жылдыгына жана Кара кыргыз автономиялуу облусунун түзүлгөндүгүнүн 100 жылдыгына карата Ош шаарында бир катар майрамдык иш-чаралар өтөт.
Алсак, күндүзгү иш-чаралар саат 9:00дөн тарта Т.Сатылганов атындагы эс алуу багында башталат. Мында жайкы театрдын ачылыш аземи, концерттик программалар, сүрөтчүлөр көргөзмөсү, 33 жаш баланын тушоо кесүүсү жана улуттук спорт оюндары өтөт. Ошондой эле “Күз фест 2024” мөмө-жемиштер жарманкеси уюштурулат. Майрамдык салтанаттын негизги бөлүгү кечки саат 20:00до Кыргыз эстрада жылдыздарынын катышуусунда Ош шаарынын борбордук аянтында чоң программадагы гала-концерт менен жыйынтыкталат. Эгемендүү өлкөбүздүн эркиндик майрамын чогу тосолу!
