Ош шаарынын мэри Жеңишбек Токторбаевдин таңкы рейддик кыдыруу учурунда Төлөйкөн айылынын тургуну Ак-Буура дарыясынан Курманжан датка аймактык башкармалыгы (юго-восток) менен Озгур, Төлөйкөн айылдарына каттап өтүүчү көпүрөнү сел алып кеткендиктен жашоочулар каттоодо кыйналып жаткандыгын айтып кайрылган. Калаа башчысы жаңы көпүрө куруп берүүнү убадалап, бүгүн көпүрө бүткөрүлүп пайдаланууга берилди.Ага шаар мэри Жеңишбек Токторбаев, шаардык кеңеш төрагасы Болот Баетов жана жергиликтүү жашоочулар катышып, кызыл тасмасын кесип расмий ачып беришти.Жергиликтүү тургундар мэр айткар убадасын аткарып кыска аралыкта коопсуз, ыңгайлуу көпүрө куруп бергени үчүн ыраазычылык билдирди. Эски убактылуу эл жасап алган көпүрө кооптуу болуп, ары бери каттоо учурунда жаш балдар эле эмес, чоң адамдар үчүн да кооптуу болуп турган.
